ABŞ Prezidenti Donald Tramp və Səudiyyə Ərəbistanının vəliəhd şahzadəsi Məhəmməd bin Salman Əl-Səud dünənki telefon danışığı zamanı İranla mümkün atəşkəsi müzakirə ediblər.

BAKU.WS "Report"a istinadən xəbər verir ki, bu barədə "Axios" nəşrinin jurnalisti Barak Ravid "X" sosial şəbəkəsində məlumat yayıb.

"Söhbət zamanı onlar İranla müharibəni, eləcə də mümkün atəşkəsi müzakirə ediblər. Bu barədə detallarla tanış olan iki mənbə məlumat verib", - o yazıb.

ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.

Daha əvvəl Tramp bildirib ki, İran hakimiyyəti atəşkəs xahişi ilə ABŞ-yə müraciət edib.