Hazırda Bənövşəyi xəttin layihə adı "B-04" olan stansiyasında havalandırma, eskalator, lift və digər qurğuların quraşdırılması istiqamətində işlər aparılır.

Bu BAKU.WS-in sorğusuna cavab olaraq "Bakı Metropoliteni" QSC-nin mətbuat xidmətindən bildirilib.

"Hazırda Bənövşəyi xəttin layihə adı "B-04" olan stansiyasında inşaatın əsas mərhələsi üzrə işlər davam etdirilir. Bununla yanaşı, hazırda əsas təchizat məsələləri, infrastruktura dair avadanlıq və sistemlərin, o cümlədən havalandırma, eskalator, lift və digər qurğuların quraşdırılması istiqamətində tədbirlər davam edir. İnşaat işlərinin 2026-cı il ərzində yekunlaşdırılması nəzərdə tutulur", - deyə məlumatda bildirilib.

Qeyd olunub ki, Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramına əsasən, 6-sı Bənövşəyi, 4-ü isə Yaşıl xəttin üzərində olmaqla 10 stansiyanın tikintisi nəzərdə tutulub.

Banu Hüseynli