Lənkəran Ağır Cinayətlər Məhkəməsi Sabirabad rayonunda 6 yaşlı qıza qarşı seksual xarakterli zorakılıq hərəkətləri etməkdə təqsirli bilinən 1961-ci il təvəllüdlü Nəriman Əliyevi (ad və soyad şərtidir) Azərbaycan Respublikası Cinayət Məcəlləsinin 150.3.3-cü maddəsi (köməksiz vəziyyətdə olan şəxsə qarşı seksual xarakterli digər zorakılıq hərəkətləri, yetkinlik yaşına çatmayana qarşı törədilən) ilə təqsirli bilib və ona 17 müddətinə azadlıqdan məhrum etmə cəzası təyin edib.

AVESTA.AZ-in məlumtına görə, N.Əliyev 2025-ci ilin iyun ayının əvvəllərindən iyul ayının əvvəllərinədək Sabirabad rayonunun Qaratəpə kəndindəki evində qonşusu olan 2019-cu il təvəllüdlü Aylinə (ad şərti) qarşı təkrarən seksual xarakterli hərəkətlər edib.

Təqsirləndirilən şəxs azyaşlının dodaqlarını öpməklə, əli ilə bud, sağrı nahiyəsi və cinsi orqanına toxunmaqla, həmçinin qızı öz cinsi orqanına toxundurmaqla cinsi ehtirasını pozğun formada təmin edib. Hadisələr 3 dəfə baş verib və məhkum öz ifadəsində əməllərini etiraf edib, peşman olduğunu bildirib.

İşin açılmasına səbəb sosial şəbəkələrdə yayılan videoqeyd olub. Videonu məhkumun ögey qızı Nuray (ad şərti) gizlin şəkildə çəkib və iyul ayının sonlarında xəbər portalına göndərib. Video "Instagram"da yayıldıqdan sonra hüquq mühafizə orqanları araşdırma apararaq 2 avqust 2025-ci ildə N.Əliyevisaxlayıb.

Məhkəmədə dindirilən şahidlər, o cümlədən qurbanın anası Züleyxa (ad şərti) və ögey qızı Samirə (ad şərti) hadisəni təsdiqləyiblər.

Ekspertiza rəylərinə görə, qurban azyaşlı olduğundan (psixi inkişafı yaşına uyğun) hərəkətlərin mahiyyətini dərk edə bilməyib və müqavimət göstərə bilməyib. Təqsirləndirilən şəxs isə psixi cəhətdən anlaqlı hesab edilib, heç bir xəstəlik aşkarlanmayıb.

Məhkəmə cinayətin yüksək ictimai təhlükəliliyini, qurbanın yaşını və təkrarən törədilməsini nəzərə alaraq cəza təyin edib.