Rusiyalı aparıcı-jurnalist və musiqi tənqidçisi Sergey Sosedov 58 yaşında vəfat edib.

BAKU.WS xəbər verir ki, onun ölümü barədə yaxınları məlumat yayıb.

Daha sonra bunu Sosedovun həmkarı Vadim Takmenev sosial şəbəkə hesabında təsdiqləyib.

TASS-ın məlumata əsasən, o Yakutiyada tədbirdə iştirak edərkən vəfat edib.

Agentlikdəki mənbə Sosedovun ölümünün qəza olduğunu bildirib, lakin əlavə məlumat verməkdən imtina edib və jurnalistin qohumlarının rəsmi məlumatları daha sonra açıqlayacağını əlavə edib.

Mash "Telegram" kanalı bildirib ki, Sosedov səhər yeməyinə gedərkən yıxılıb və başı zədələnib. O, yıxılarkən aldığı xəsarətlərdən ölüb.

Jurnalist bir həftə əvvəl özünü pis hiss etdiyindən ailəsinə şikayət edib. Lakin ailəsi onun həmişə ürək problemləri olduğunu bildirib.

Xatırladaq ki, Sergey Sosedov 23 yanvar 1968-ci ildə Moskvada anadan olub.

O, Lomonosov adına Moskva Dövlət Universitetinin jurnalistika fakültəsini bitirib. Karyerası ərzində "Veçernyaya Moskva" qəzetində çalışıb və musiqi köşə yazarı kimi müxtəlif nəşrlərdə çalışıb.

O, "X Factor", "Superstar!" və "You're a Superstar!" kimi şoularda münsif olub.