Ölkənin aparıcı banklarından biri olan "TuranBank" ASC ilə "Incofin" İnvestisiya Fondu arasında "IIV Mikrofinanzfonds" Fondundan cəlb edilmiş 5 milyon manat vəsait ilə bağlı kredit sazişi imzalanıb.

Cəlb edilən vəsait kiçik və orta biznesin maliyyələşdirilməsinə yönəldilməklə yerli valyutada sahibkarların maliyyə resurslarına çıxış imkanlarını daha da genişləndirəcək.

"Incofin" İnvestisiya Fondu inkişaf etməkdə olan ölkələrdə maliyyə əlçatanlığını təşviq etmək üçün 2001-ci ildə Belçikada təsis edilmiş fonddur. Hazırda "Incofin" İnvestisiya Fondu sosial inklüziv investisiyaların liderlərindən biridir. "IIV Mikrofinanzfonds" isə inkişaf etməkdə olan ölkələrdə mikro, kiçik və orta sahibkarlığın inkişafı üçün maliyyə əlçatanlığını təşviq etmək məqsədi ilə 2011-ci ildə təsis edilmiş Almaniya Fondudur.

"TuranBank" KOS maliyyələşdirilməsi üzrə beynəlxalq kredit xətlərinin cəlb edilməsi istiqamətində əməkdaşlıq əlaqələrini uğurla inkişaf etdirir. Bank Beynəlxalq Maliyyə Korporasiyası (İFC), Avropa Yenidənqurma və İnkişaf Bankı (EBRD), Asiya İnkişaf Bankı (AİB), Qara Dəniz Ticarət və İnkişaf Bankı (BSTDB), ECO Ticarət və İnkişaf Bankı (ECO TDB), Özəl Sektorun İnkişafı üzrə İslam Korporasiyası (ICD) və s. kimi nüfuzlu maliyyə təşkilatları ilə kiçik və orta sahibkarlıq layihələri üzrə birgə əməkdaşlıq edərək qeyri-neft sektorunun davamlı inkişafına ciddi dəstək olur.

Yarandığı tarixdən etibarən 30 il ərzində özünün 19 satış nöqtəsilə "TuranBank" daim inkişaf yolunu tutmuş, xidmətləri ilə həm keyfiyyət, həm də kəmiyyət baxımından maliyyə sektorunda önəmli mövqeyə sahib olub. Bank Azərbaycanın maliyyə sektorunda stabilliyi və etibarlılığı ilə seçilən əsas iştirakçılardan biridir.

Bankın təqdim etdiyi məhsul və xidmətlərlə bağlı ətraflı məlumatı 935 çağrı mərkəzinə zəng edərək, "TuranBank"ın rəsmi veb səhifəsini https://bit.ly/3fUQtbQ və ya sosial şəbəkələrdəki səhifələrini izləyərək əldə edə bilərsiniz.

TuranBank

Bizimlə etibarlıdır..