Yer kürəsində maqnit qasırğası davam edir.

BAKU.WS xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu məlumat yayıb.

Hazırda maqnit qasırğasının indeksi G1.7 səviyyəsindədir ki, bu da zəif və orta güc arasında qiymətləndirilir. Çərşənbə günü – 21 yanvar səhər saatlarında maqnit qasırğası güclü (G3) səviyyəsində olub. Gecə saatlarında insanlar intensiv qütb parıltılarını müşahidə edə biliblər.

Qeyd edək ki, 20 yanvar gecəsi maqnit qasırğasının gücü demək olar ki, ekstremal G5 səviyyəsinə çatıb. Maksimum dalğalanma göstəricisi G4.7 olub.

Mütəxəssislərin bildirdiyinə görə, 20 yanvar gecəsi başlayan geomaqnit hadisəsinin ümumi davametmə müddəti ən azı bir sutka təşkil edəcək. Yer maqnit sahəsinin tam sabitləşməsi isə 2–3 gün ərzində gözlənilir.