Kriptovalyuta bazarında əsas aktivlər üzrə ucuzlaşma davam edir.

BAKU.WS xəbər verir ki, son 24 saatda Bitcoin 0,44% geriləyərək 77 824 dollara, "Ethereum" 1,42% azalaraq 2 423 dollara düşüb. "XRP" 2,88%, "Solana" isə 2,97% ucuzlaşıb.

Bazarın ümumi kapitallaşması 2,61 trilyon dollara enib. Eyni zamanda, likvidasiyaların həcmi kəskin artaraq 391,75 milyon dollara çatıb.

Analitiklər enişi ABŞ-da faiz artımı gözləntilərinin güclənməsi ilə əlaqələndirirlər. FED-in sentyabr iclasında faiz artıracağı ehtimalının 57%-ə yüksəlməsi və istiqraz gəlirliliyinin artması investorların riskli aktivlərdən uzaqlaşmasına səbəb olub.