Bakının Nərimanov rayonunda yerləşən dövlət qurumlarından birinin inzibati binasında genişmiqyaslı təmir və yenidənqurma işlərinin aparılması planlaşdırılır.

BAKU.WS-in məlumatına görə, söhbət Daşınmaz Əmlakın Dövlət Kadastrı və Reyestrinin 1 saylı Bakı Ərazi İdarəsinin Ələsgər Qayıbov küçəsi 40 ünvanında yerləşən inzibati binasından gedir.

İşlərin ehtimal olunan qiyməti 8 milyon 938 min manat müəyyənləşdirilib.

Layihə yalnız binanın daxili görünüşünün yenilənməsini nəzərdə tutmur. İşlər çərçivəsində binanın konstruktiv elementlərinin, o cümlədən bünövrə və zirzəmi divarlarının gücləndirilməsi də planlaşdırılır.