İsrailin Ben-Qurion Universitetinin alimləri müəyyən ediblər ki, Aralıq dənizi və ya digər pəhrizdən istifadə edərək 1% arıqlamaq xəstələrin beyninin qocalmasını ləngidə bilər.

"Report" xəbər verir ki, araşdırmanın nəticələri "eLife" jurnalında dərc olunub.

Alimlər 102 iştirakçının beyin skanını tədqiq ediblər, sınaq başlamazdan əvvəl bir dəfə və pəhriz başlayandan 18 ay sonra yenidən skan edilib.

İştirakçılar üç pəhrizdən birinə riayət ediblər: qırmızı ət əvəzinə daha çox qoz-fındıq, balıq və toyuq olan Aralıq dənizi pəhrizi, əlavə polifenollar olan Aralıq dənizi pəhrizi və ya sağlam qidalanmanın ümumi prinsiplərinə əsaslanan pəhriz.

Tədqiqat iştirakçıları orta hesabla təxminən 2,3 kq arıqlayıblar. Tədqiqatçılar müəyyən bir pəhriz və ya sağlamlıq tövsiyələrinə əməl etdikdən sonra itirilən bədən çəkisinin hər 1%-i üçün iştirakçıların beyinlərinin xronoloji yaşlarından təxminən doqquz ay cavan olduğunu müəyyən ediblər.