Şimali Koreya hipersəs raket sınağının uğurunu təsdiqləyib.

“AVESTA.AZ” xəbər verir ki, bu barədə Koreyanın Mərkəzi Xəbər Agentliyi məlumat yayıb.

"Yanvarın 14-də KXDR-in Baş Raket İdarəsi hipersəs manevrli, idarə olunan döyüş başlığına malik bərk yanacaqlı orta uzunmənzilli ballistik raketin sınaq buraxılışını həyata keçirib. Buraxılış uğurlu olub", - məlumatda deyilir.

Qeyd edilir ki, sınaq buraxılışının məqsədi “orta uzun mənzilli hipersəs manevrli idarə olunan döyüş başlığının sürüşmə və manevr uçuş xüsusiyyətlərini və yeni çoxpilləli ağır yük daşıyan bərk yanacaq reaktiv mühərriklərinin etibarlılığını təsdiqləməkdir”.

Bundan əlavə, agentliyin məlumatına görə, buraxılış "ətraf ölkələrin təhlükəsizliyinə heç bir təsir göstərməyib".

"Baş İdarə izah edib ki, hazırkı sınaq güclü silah sistemlərinin inkişafı üçün İdarənin və müdafiə tədqiqat institutlarının müntəzəm fəaliyyətlərində əlaqələrdən biri kimi xidmət edir", - agentlik vurğulayıb.