Lənkəranda baş verən yol qəzası ilə bağlı araşdırma aparılır.

Bu barədə "AVESTA.AZ"un sorğusuna cavab olaraq Daxili İşlər Nazirliyinin Mətbuat Xidmətinin Lənkəran regional qrupunun baş inspektoru polis kapitanı Məhəmməd Rzayev məlumat verib.

O bildirib ki, bu gün saat 13 radələrində Lənkəran rayonunun Girdəni kəndi ərazisində Hümmət Rüstəmova məxsus "Vaz" markalı avtomobil və Xaqani Ramazanzadənin idarə etdiyi "Isuzu" markalı avtobusun toqquşması ilə nəticələnən yol nəqliyyat hadisəsi baş verib:

"Hadisə yerində polis əməkdaşları tərəfindən zəruri təhlükəsizlik və digər tədbirlər görülüb. Qəza ilə bağlı avtotexniki ekspertizalar təyin edilib, araşdırma aparılır".

Lənkəranda baş verən yol qəzasında xəsarət alanların şəxsiyyəti müəyyənləşib.

"AVESTA.AZ"un Cənub bürosunun məlumatına görə, bu gün Lənkəranda baş verən yol qəzasında xəsarət alan şəxslər aşağıdakılardır:

1. Kərimova Akifə Aşur - 1965
2. Ramazanzadə Xəqani Fizuli - 1991
3. Manafova Jalə Xankişi - 1989
4. Cəfərova Günay Natiq - 1982
5. Əliyeva Gülnar Şəmşir - 1985
6. Qəmbərov Yusif İbrahim - 1968
7. Hüseynov Cəvahir Rövşən - 2008
8. Bayramova Ulduz Sədaqət - 1989
9. Xudaverdiyev Səttar Ramin - 2003
10. Axundzadə Könül Xaliq - 2002
11. Əlizadə Əlifağa Xudu - 1995
12. Allahverdiyeva Rüqǝyya Ramil 2016
13. Ağazadə Yusif Vüqar - 2013
14. Hüseynova Sevda Qurban - 1992
15. Zəkiyeva Ülkər Maksud - 1994
16. Məmmədova Aygün Şamil - 1963
17. Xudaveridiyeva Nuridə - 1979
18. Əkbərov Çingiz Əşrəf - 1984
19.Əkbərzadə Maksum Şahid - 2002
20. Əliyeva Nuranə Rafiq -1981
21. Əhmədova Nazilə Cəfər - 1955
22. Babayeva Arzu Azad - 1985
23. Rüstəmov Hümmət Fizuli - 1975

Lənkəranda baş verən yol qəzasında xəsarət alanların sayı artıb.

TƏBİB-dən “AVESTA.AZ”un Cənub bürosunun sorğusuna cavab olaraq bildirilib ki, Lənkəran-Boradigah-Masallı yolunda, Lənkəran şəhəri ərazisində baş verən yol-nəqliyyat hadisəsi nəticəsində yanvarın 28-i saat 13:30 radələrindən başlayaraq 21 nəfər Lənkəran Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.

Bədənin müxtəlif nahiyələrinin travmaları diaqnozları qoyulan şəxslərin hər birinə zəruri tibbi xidmətlər göstərilir.

Vəziyyətlərinə müvafiq olaraq müxtəlif şöbələrə yerləşdirilirlər.

Lənkəran-Boradigah-Masallı yolunda sərnişin avtobusunun iştirakı ilə yol qəzası baş verib.

“AVESTA.AZ”un Cənub bürosunun məlumatına görə, sözügedən yolun Lənkəran şəhərindəki yanacaqdoldurma məntəqələrindən birinin yaxınlığında baş verən qəzada xəsarət alanların olduğu bildirilib.

İlkin informasiyaya əsasən, sərnişin avtobusunun minik maşınının üzərinə aşması nəticəsində müxtəlif dərəcəli xəsarətlər alan 13 nəfər Lənkəran Şəhər Mərkəzi Xəstəxanasına çatdırılıb.