Əksər insanlar müasir dünyada tərəfdaş tapmağın asan olduğuna inanır, lakin bəziləri əks fikirdədir.

AVESTA.AZ "Veçernaya Moskva"ya istinadən xəbər verir ki, psixologiya elmləri namizədi Anastasiya Lısakova məqsəd və dəyərlərin uyğunsuzluğu səbəbindən bunu etməyin çətinliyindən danışıb.

"Ailə qurmağı hədəfləyənlər bir kateqoriyadır, digəri isə qətiyyən buna əhəmiyyət vermir. Və onlar qarşılaşdıqları zaman uyğunsuzluq yaranır, məyusluq (depressiya həddinə qədər məyusluq) qaçılmaz olur", - deyə həkim izah edib.

Ekspertin sözlərinə görə, son 20 ildə sosial dəyərlər çox dəyişib və bu, ailə qurmaqla bağlı əvvəlki ənənələrin pozulmasına gətirib çıxarıb.

Belə ki, əvvəllər 20-25 yaşında ailə qurmaq, hamilə qalmaq normal sayılırdısa, indi gənclər inkişaf etmək istəyir. Bu səbəbdən çətinliklər yaranır.

Lısakova əlavə edib ki, romantik münasibətlərdə çətinliklər həm də yenidən səhv etmək və ağrılar yaşamaq qorxusu ilə əlaqələndirilir.

Onun sözlərinə görə, insanlar uzunmüddətli romantikaya ümid etsələr də, bir neçə qısa müddətli münasibət yaşadıqda məyus olurlar.            Bəzən bir xoşagəlməz hadisədən sonra belə bir münasibət və ya stereotip formalaşır ki, hamı yalançı, fırıldaqçıdır, heç kimə etibar etmək olmaz. İnsanlar özlərini ağrıdan qoruyurlar.

Lısakova bir müddət əvvəl qadınları nəyin bədbəxt etdiyini danışmışdı. Onun sözlərinə görə, sosial təzyiq onlara son dərəcə mənfi təsir göstərir.