Danimarka Parlamenti 2040-cı ildən etibarən pensiya yaşının 70-ə yüksəldilməsi ilə bağlı qanun layihəsini qəbul edib.

BAKU.WS xəbər verir ki, yeni qərara əsasən, Danimarka 2040-cı ildən etibarən Avropada ən yüksək pensiya yaşına sahib ölkə olacaq. Qeyd edək ki, Danimarka 2006-cı ildən bəri pensiya yaşını ölkədəki orta ömür uzunluğuna əsasən müəyyən edir və hər beş ildən bir bu həddi yenidən nəzərdən keçirir.

Hazırda Danimarkada pensiya yaşı 67-dir. Yeni plana əsasən, bu yaş həddi 2030-cu ildə 68-ə, 2035-ci ildə isə 69-a yüksələcək. Qəbul edilən yeni qanuna görə, 1 yanvar 1971-ci il və ondan sonra doğulanlar üçün pensiya yaşı 70 olacaq.

Qanun layihəsi dünən keçirilən səsvermədə 81 "lehinə", 21 "əleyhinə" səslə qəbul edilib.