Azərbaycanın Xarici İşlər Nazirliyi (XİN) Nepal-Çin sərhəd bölgəsində baş verən, insan itkisinə və genişmiqyaslı dağıntılara səbəb olan dağıdıcı daşqınlar və torpaq sürüşmələri ilə əlaqədar başsağlığı verib.

AVESTA.AZ xəbər verir ki, nazirlik bu barədə "X" sosial şəbəkə hesabında paylaşım edib.

Sözügedən paylaşımı təqdim edirik:

"Nepal-Çin sərhəd bölgəsində baş verən, insan itkisinə və genişmiqyaslı dağıntılara səbəb olan dağıdıcı daşqınlar və torpaq sürüşmələri ilə əlaqədar dərin kədər hissi keçiririk.

Bu faciəli fəlakətdə həyatını itirənlərin ailələrinə və doğmalarına səmimi qəlbdən başsağlığı verir, yaralananların tezliklə sağalmasını arzulayırıq.

Ümid edirik ki, davam edən axtarış-xilasetmə işləri hələ də itkin düşənlərin sağ-salamat tapılması ilə nəticələnəcək".

We express deep sorrow over the devastating floods and landslides that struck the Nepal–China border region, causing loss of life and extensive destruction.

We extend our heartfelt condolences to the families and loved ones of those who lost their lives in this tragic disaster,…

— MFA Azerbaijan ???????? (@AzerbaijanMFA) August 26, 2026