Ötən gün saat 22: 30 radələrində Qəbələ rayon sakini İlkin Abdullazadə idarə etdiyi "Mercedes" markalı nəqliyyat vasitəsilə Qaraməryəm- İsmayıllı-Şəki avtomobil yolunda hərəkətdə olarkən idarəetməni itirərək aşıb.

Baş Dövlət Yol Polisi İdarəsindən BAKU.WS-ə verilən xəbərə görə, yol kənarına düşən avtomobildə yanğın baş verib.

Qəza nəticəsində avtomobildə olan sərnişin - sürücünün həyat yoldaşı Münəvvər Abdullazadə hadisə yerində həyatını itirib.

Əraziyə DYP əməkdaşları cəlb olunub.

Faktla bağlı araşdırma aparılır.

***09:12

İsmayıllıda ölümlə nəticələnən ağır yol-nəqliyyat hadisəsi baş verib.

BAKU.WS "Report"a istinadən xəbər verir ki, hadisə İsmayıllı-Qəbələ yolunun 12-ci kilometrliyində, Topçu kəndi ərazisində qeydə alınıb.

Belə ki, "Mercedes E-240" markalı, 99-KF-281 dövlət qeydiyyat nişanlı avtomobil idarəetmədən çıxaraq yolun kənarına aşıb və yanıb.

Hadisə zamanı avtomobildə olan sürücü və sərnişin müxtəlif xəsarətlər alıb. Sərnişin qadının meyiti avtomobildən çıxarılaraq aidiyyəti üzrə təhvil verilib.

Sonradan qəza zamanı ölən və xəsarət alan şəxslərin kimliyi məlum olub. Xəsarət alanın 33 yaşlı İlkin Abdullazadə, həyatını itirən sərnişinin isə 31 yaşlı Münəvvər Abdullazadə olduğu müəyyənləşib.

Faktla bağlı araşdırma aparılır.

Qalereya