Payız mövsümünün sevilən meyvələrindən olan xurma həm şirin dadı, həm də qida dəyəri ilə seçilir. Qızılı-narıncı rəngi ilə diqqət çəkən bu meyvə bəzən "payızın qızılı" adlandırılır.

AVESTA.AZ xəbər verir ki, xurma orqanizmin normal fəaliyyəti üçün vacib olan vitamin və minerallarla zəngindir. Tərkibindəki lif həzm sisteminin fəaliyyətini dəstəkləyir, antioksidantlar isə hüceyrələrin oksidləşdirici zədələnmədən qorunmasına kömək edir.

Xurma, həmçinin A vitamini və kalium mənbəyidir. Meyvənin tərkibindəki lif toxluq hissinin daha uzun müddət davam etməsinə də yardım edə bilər.

Bununla belə, xurmanı həddindən artıq yemək məsləhət görülmür. Xüsusilə şəkərli diabeti olan şəxslər porsiya ölçüsünə diqqət etməlidirlər.