Cəlilabadda bıçaqlanan şəxslərin vəziyyəti açıqlanıb.

Rayon Mərkəzi Xəstəxanasından "AVESTA.AZ"un Muğan bürosuna bildirilib ki, bu gün saat 11:30 radələrində xəsarət alması səbəbilə 2006-cı il təvəllüdlü (kişi cinsli) şəxs xəstəxanasın Təcili Yardım şöbəsinə hospitalizasiya olunub.

Ona belin sol hissəsinin kəsilmiş, deşilmiş yarası, sol biləyin ön səthinin kəsilmiş yarası diaqnozu təyin edilib. Xəsarət alan şəxsə cərrahi müdaxilə olunub, hazırda vəziyyəti stabildir.

Biləsuvar Rayon Mərkəzi Xəstəxanasından isə bildirilib ki, 2007-ci il təvəllüdlü şəxs xəstəxananın cərahiyyə şöbəsinə yerləşdirilib və həkim nəzarəti altındadır.

Faktla bağlı araşdırmalar davam etdirilir.

Cəlilabad rayonunda iki nəfəri bıçaqlayan şəxs saxlanılıb.

DİN-in Mətbuat Xidmətinin Lənkəran regional qrupundan "AVESTA.AZ"un yerli bürosunun sorğusuna cavab olaraq bildirilib ki, aralarında şəxsi münasibətlər zəminində yaranmış mübahisə zamanı Cəlilabad rayonunun Alar kəndi ərazisində həmin kəndin sakinləri, 2006-cı il təvəllüdlü İ.Nağıyev və bir nəfər yeniyetməyə kəsilmiş-deşilmiş xəsarətlər yetirməkdə şübhəli bilinən Cəlilabad rayon sakini, 2005-ci il təvəllüdlü R.Məmmədov polis əməkdaşları tərəfindən saxlanılıb.

Araşdırma aparılır.

Cəlilabad rayonunda bıçaqlanma hadisəsi baş verib.

"AVESTA.AZ"un Muğan bürosunun məlumatına görə, rayon sakini, 2007-ci il təvəllüdlü H. Salamzadə münaqişə zəminində müxtəlif bıçaq xəsarətləri alıb.

O, Biləsuvar Rayon Mərkəzi Xəstəxanasına çatdırılıb. Yaralıya sağ döş qəfəsinin nüfuz edən yarası və sağ budun yuxarı 3/1-nin yarası diaqnozu qoyulub.

Faktla bağlı araşdırma aparılır.