Bakıda həyat yoldaşına işgəncə verən şəxs məhkəmə zalında həbs edilib.

AVESTA.AZ Oxu.az-a istinadən xəbər verir ki, təqsirləndirilən Famil Babayev 2007-ci ildə Solmaz Babayeva ilə ailə qurub və həmin vaxtdan o, Əmircan qəsəbəsində yaşayıb. F.Babayev mütəmadi olaraq qısqanclıq məqsədi ilə həyat yoldaşını tək küçəyə çıxmasına imkan verməyib, onu evdə bağlı qapı arxasında saxlayıb.

Bir müddətdən sonra F.Babayev eşidib ki, həyat yoldaşı sosial şəbəkədə başqa ad-soyadla canlı açıb. Bundan sonra o, Solmazın telefonunu da əlindən alıb. F.Babayev həyat yoldaşına mütəmadi olaraq işgəncələr verib, onun barmaqlarını sındırıb, bədəninin müxtəli hissələrinə qaynar su tökərək yandırıb. Bu əzablara dözə bilməyən qadın həyat yoldaşının qısamüddətli çayxanaya getməsindən istifadə edərək evdən qaçaraq "Ümid" sığınacaq evinə gedib. Bir müddət həmin sığınacaqda qalandan sonra ailə üzvləri onu evə qaytarıblar. Bundan sonra isə qadın daha ağır işgəncələrə məruz qalıb. İşgəncələrə dözməyə qadın özünü öldürmək istəyib və intihara cəhd edərkən onu həyat yoldaşı xilas edib və onu döyməyə başlayıb.

Polislərin şikayətindən sonra məsələyə polis qarışıb və cinayət işi başlanıb.

Cinayət işi məhkəməyə göndərilib və təqsirləndirilən şəxsə hökm oxunub.

Məhkəmənin hökmü ilə F.Babayev 3 il azadlıqdan məhrum edilib və o, məhkəmə zalında həbs olunub.