İspaniya "Real Madrid"i Fransa millisinin və PSJ-nin futbolçusu Kilian Mbappenin transferi üçün daha bir cəhd edəcək.

"Report" "The Telegraph"a istinadən xəbər verir ki, "kral klubu" cari mövsümün sonunda 25 yaşlı hücumçu uğrunda yenidən mübarizəyə qoşulacaq.

İddiaya görə, Madrid təmsilçisi Almaniyanın "Borussiya" (Dortmund) komandasının yarımmüdafiəçisi Cud Belligemin keçidi ilə kifayətlənməyəcək və fransalı forvardı almaq üçün hər cür səy göstərəcək. La Liqa klubu gənc oyunçulardan ibarət iddialı komanda qurmaq istəyir.

PSJ isə aparıcı futbolçusunu satmaq fikrində deyil.

Qeyd edək ki, Kilian Mbappe bu mövsüm bütün turnirlərdə 39 oyuna çıxıb, 36 qol vurub və 9 məhsuldar ötürmə edib. Onun Paris klubu ilə 2025-ci ilin iyununadək müqaviləsi var.