Yasamaldakı yanğınla əlaqəli Mehdi Məmmədov küçəsi istiqamətində nəqliyyat vasitələrinin hərəkətinə məhdudiyyət qoyulub.

“AVESTA.AZ” xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.

Məlumata görə, yanğınla əlaqədar polis əməkdaşları hadisə yerinə cəlb edilib. Hazırda polis əməkdaşları hadisə yerini mühafizə edərək təhlükəsizlik tədbirləri görür.

Bakının Yasamal rayonu ərazisində çoxmərtəbəli binada yanğın başlayıb.

"AVESTA.AZ"un xəbərinə görə, hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb olunub.

Hazırda yanğının söndürülməsi istiqamətində işlər aparılır.

Nazirliyin mətbuat xidmətindən "AVESTA.AZ"a bildirilib ki, "112" qaynar telefon xəttinə Bakı şəhəri, Yasamal rayonu, Şəfayət Mehdiyev küçəsində mənzildə yanğın olması barədə ilkin məlumat daxil olub.

Məlumatla əlaqədar FHN-nin xilasetmə qüvvələri çağırış üzrə cəlb olunublar. Yanğınsöndürmə işləri həyata keçirilir.