Fastfud (sürətli qidalar) tərkibində çox işlənmiş maddələr, rafinə olunmuş karbohidratlar, artıq miqdarda duz, trans yağlar, həddindən artıq bişmiş zülallar, kimyəvi əlavələr və yağlar saxlayır ki, bu da sağlamlıq üçün son dərəcə təhlükəlidir.

AVESTA.AZ xəbər verir ki, bu barədə Avstraliyalı həkim Zak Törner "News.com" portalında dərc olunan məqaləsində bildirib.

Lakin həkimin sözlərinə görə, orqanizm üçün ən zərərli olan məhz fastfudda istifadə edilən yağlardır - çünki bu yağlar çox vaxt dəfələrlə qızdırılır və təkrar istifadə olunur.

"Müxtəlif dəfə qızdırılan yağda oksidləşmiş lipid birləşmələri əmələ gəlir, bunlar isə orqanizmin toxumalarını qıcıqlandırır.

Nəticədə oksidləşmə stresi yaranır - yəni bədən sabit olmayan molekullar istehsal edir, bunlar hüceyrələri zədələyir və iltihab prosesini başladır," – deyə Törner vurğulayıb.

Həkim qeyd edir ki, məhz oksidləşmə stresi qarında köp, halsızlıq və apatiya (ruhi süstlük) yaradır.

O, təbii, işlənməmiş qidalara üstünlük verməyi, emal olunmuş məhsullardan uzaq durmağı və qidalanmaya istiyə davamlı yağ növlərini - məsələn, soyuq sıxılmış zeytun yağı və ya avokado yağı - daxil etməyi tövsiyə edir.

"Başqa iltihab yaradan amillərdən də ehtiyatlı olun. Qanda şəkərin qəfil artması, emal olunmuş ət məhsulları, rafinə karbohidratlar, keyfiyyətsiz yuxu və stress - bütün bunlar bədəndə toplanaraq sağlamlığa zərər vurur," – deyə Törner məsləhət görüb.