Ucarda yerləşən Uşaq İncəsənət məktəbinin binasının əsaslı təmiri ilə bağlı hazırlıq işlərinə başlanılır.

BAKU.WS-in məlumatına görə, Ucar şəhəri, Heydər Əliyev küçəsi 65 ünvanında yerləşən Uşaq İncəsənət məktəbinin binasının əsaslı təmirinə dair layihə-smeta sənədlərinin hazırlanması üçün satınalma elan edilib.

Layihənin ehtimal olunan dəyəri 106 554 manat müəyyənləşdirilib.

Sənədlərin hazırlanması çərçivəsində məktəb binasının əsaslı təmirinə dair layihə və smeta sənədlərinin hazırlanması nəzərdə tutulur. Layihənin icrası nəticəsində Ucar şəhərində uşaqların incəsənət təhsili aldığı məktəb binasının yenilənməsi və tədris mühitinin yaxşılaşdırılması nəzərdə tutulur.