Bolt tətbiqi vasitəsilə xidmət göstərən sürücülər və sərnişinlərin təhlükəsizliyi şirkətin fəaliyyətində əsas prioritetdir. Texnologiyaya əsaslanan həllərlə istifadəçilərə rahat və etibarlı nəqliyyat təcrübəsi təqdim edən platforma, təhlükəsizlik sahəsində daima yeniliklər və təkmilləşdirmələr həyata keçirir.

Səfər zamanı təhlükəsizliyi artırmaq məqsədilə tətbiqdə bir neçə funksiya mövcuddur:

● Səfərin canlı izlənməsi və yaxınlarla paylaşılması,

● Təcili Yardım düyməsi,

● "Trip anomaly" funksiyası – avtomobil 10 dəqiqə hərəkətsiz qalarsa, sistem avtomatik olaraq istifadəçi ilə əlaqə saxlayır.

 Bütün səfərlər GPS vasitəsilə izlənilir və qeydə alınır.

Artıq bir neçə aydır ki, tətbiqdə Pick-up Code (Gedişin təsdiq Kodu) adlı yeni təhlükəsizlik funksiyası da istifadəyə verilib. Bu funksiya səfərin yalnız düzgün sürücü və sərnişin arasında başladığını təsdiqləyir və yanlışlıqla başqa bir şəxsin təyin edilmiş avtomobilə əyləşməsinin qarşısını alır. Sərnişin bu kodu "Təhlükəsizlik" bölməsindən aktivləşdirə bilər.

Bundan əlavə, səfər zamanı tətbiqdə yerləşən "Təhlükəsizlik Alətləri dəsti" bölməsi vasitəsilə istifadəçilər səfər zamanı yüksək sürət, sürücünün diqqətsiz davranışı (məsələn, telefonla danışması) və digər təhlükəli hallar haqqında qeyd göndərə bilərlər.

Bolt-un Etimad və Təhlükəsizlik üzrə meneceri İsa Rəhimli bildirib:

"Tətbiq daxilində səfərdən əvvəl, səfər zamanı və səfərdən sonra təhlükəsizliyi təmin edən bir sıra funksiyalar mövcuddur. Ən vacib məqamlardan biri budur ki, sərnişinlər hər hansı narazılıq yarandıqda - məsələn, avtomobil məlumatlarının uyğun olmaması, sürücünün qeyri-etik davranışı və ya digər təhlükəsizliklə bağlı hallar zamanı - tətbiq vasitəsilə Müştəri Dəstəyi ilə əlaqə saxlayaraq şikayətlərini bildirsinlər.

Eyni zamanda, istifadəçilərə tövsiyə olunur ki, səfərdən əvvəl avtomobilin nömrə nişanını, sürücünün şəklini və adını tətbiqdə göstərilən məlumatlarla müqayisə edərək yoxlasınlar. Marşrutu yaxınlarla paylaşmaq və səfərdən sonra sürücünü qiymətləndirmək həm təhlükəsizliyi artırır, həm də xidmətin keyfiyyətinin yaxşılaşdırılmasına töhfə verir."

Bolt şirkəti tərəfindən görülən bütün bu tədbirlərin əsas məqsədi sürücü tərəfdaşların, sərnişinlərin və ümumilikdə şəhər sakinlərinin gündəlik həyatında təhlükəsiz və rahat taksi xidmətindən istifadəsini təmin etməkdir.

Qeyd edək ki, Bolt tətbiqi vasitəsi ilə fəaliyyət göstərən bütün sürücülərin yerli qanunvericiliyə tam uyğun şəkildə xidmət göstərməsi əsas prioritetlərimizdəndir. Bu məqsədlə, aidiyyəti dövlət qurumları ilə sıx əməkdaşlıq edərək aktiv sürücülərin lazımi lisenziyaya malik olmalarını və nəqliyyat xidmətləri üçün tələb olunan bütün hüquqi və əməliyyat standartlarına cavab vermələrini təmin edirik. Bu əməkdaşlıq təhlükəsizliyin, şəffaflığın və tənzimləyici orqanlarla uzlaşmanın davamlı şəkildə qorunmasına xidmət edir.

Qalereya