Daxili İşlər Nazirliyi (DİN) Badamdarda yerləşən "EOS uşaq inkişaf mərkəzi"ndəki hadisə ilə bağlı araşdırma aparır.

Bu barədə BAKU.WS-ə DİN-in Mətbuat Xidmətinin əməkdaşı Nəzrin Adıgözəlzadə bildirib.

"Yayılan görüntülər polis tərəfindən araşdırılır. Azyaşlıya qarşı zorakı hərəkətlər edilməsi ilə bağlı valideynin və mərkəz rəhbərliyinin müraciəti var. Hər iki müraciət üzrə prosessual araşdırmalar davam etdirilir" -deyə Nəzrin Adıgözəlzadə qeyd edib.

*** 17:15

Badamdarda yerləşən "EOS Junior" uşaq bağçasından zorakılıq iddialarına cavab verilib.

Bağçanın icraçı direktoru Şəfəq Həsənzadə BAKU.WS-ə açıqlamasında bildirib ki, həmin işçi işdən çıxarılıb və bununla bağlı şikayətə hüquqi qiymət verilib.

*** 15:25

Paytaxtda bağçalardan birində uşaqların zorakılığa məruz qaldığı iddia olunur.

Bu barədə BAKU.WS-in "Qaynar xətti"nə şikayət daxil olub.

Kadrlar Badamdar qəsəbəsində yerləşən "EOS Junior" uşaq bağçasındandır.

Valideyn iddia edib ki, bağçadakı uşaqlar kameralar olmayan otaqlara aparılaraq döyülür və onlara hədə-qorxu gəlinir.

Şikayətçi bu zorakılığı məktəb direktorunun etdiyini də iddia edib.

Valideynin sözlərinə görə, uşaqları döyən bu qadın barədə bir neçə dəfələrlə şikayət edilib, lakin o hələ də uşaqları döyərək işləməyə davam edir.

Şikayətdə həmçinin qeyd edilib ki, bağçadan çıxarılan uşaqlar hazırda pisixoloji dəstək alır.

BAKU.WS-in əldə etdiyi məlumata görə, məsələ ilə bağlı polis araşdırma aparır.